ତେଲ ଦର କମିଲା କି ? : ପାଣ୍ଡିଆନ
Rasmita Behera
ରାଉରକେଲା: ରାଉରକେଲାରେ ଭିକେ ପାଣ୍ଡିଆନ ବିରୋଧୀଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତ ତେଲ ଦର କମିଲା କି, ପେଟ୍ରୋଲ, ଡିଜେଲ ଦର କମିଲା କି ? ରାଉରକେଲାରେ କେନ୍ଦ୍ର ସରକାରଙ୍କ ଜରିଆରେ ସୁପର ସ୍ପେଶିଆଲିଷ୍ଟ ହସ୍ପିଟାଲ ହେଲା କି ? ଏ ସବୁ ମିଛ ପ୍ରତିଶ୍ରୁତି ଦେଇଥିଲେ, କିଛି ବି ହେଲାନି । ହେଲେ ମୁଖ୍ୟମନ୍ତ୍ରୀ ଯାହା ବି କହନ୍ତି, ତାହା କରିକି ଦେଖାନ୍ତି । ସୁନ୍ଦରଗଡରେ ସରକାରୀ ମେଡିକାଲ କରିଛନ୍ତି ମୁଖ୍ୟମନ୍ତ୍ରୀ । ମହାପ୍ରଭୁଙ୍କ ଆର୍ଶୀବାଦରେ ଜୁନ୍ ୯ ତାରିଖରେ ମୁଖ୍ୟମନ୍ତ୍ରୀ ପୁଣି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । ଶପଥ ନେବା ପରେ ପ୍ରଥମ ଦସ୍ତଖତ କରିବେ, ବିଜୁଳି ବିଲ୍ ଛାଡ ହେବ । ଓଡିଶାରେ ଥିବା ୯୦ ପ୍ରତିଶତ ପରିବାର ଏଥିରେ ଉପକୃତ ହେବେ । ବସ୍ତିବାସିନ୍ଧାଙ୍କୁ ଆଉ ବିଲ୍ ଦେବାକୁ ପଡିବନି । ଅନ୍ୟ ଲୋକଙ୍କୁ ମଧ୍ୟ ବହୁତ କମ୍ ବିଲ୍ ପଡିବ । ସେହିପରି ମୁଖ୍ୟମନ୍ତ୍ରୀ ଦ୍ୱିତୀୟ ଦସ୍ତଖତ କରିବେ, ଆଉ ସମସ୍ତେ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ପାଇବେ । ସରକାରୀ କର୍ମଚାରୀ ବି ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ପାଇବେ ବୋଲି କହିଛନ୍ତି ପାଣ୍ଡିଆନ୍ ।
ସୁନ୍ଦରଗଡ ପାଇଁ ନବୀନ ପଟ୍ଟନାୟକ ଅନେକ କାମ କରିଛନ୍ତି ବୋଲି କହିବା ସହ, ସେ କହିଛନ୍ତି, ସବୁ ବ୍ଲକରେ ଆଷ୍ଟ୍ରୋଟର୍ଫ ହକି କରିଛନ୍ତି ମୁଖ୍ୟମନ୍ତ୍ରୀ । ଏଥିସହ ଆଦିବାସୀ ଭାଇ ଭଉଣୀଙ୍କ ଉନ୍ନତି ପାଇଁ ଏସଡିସି ଗଠନ, ୫୦ ହଜାର ପୋଲିସ କେସକୁ ରଦ୍ଦ କରିଛନ୍ତି ମୁଖ୍ୟମନ୍ତ୍ରୀ ।
